ការប្រើប្រាស់ Windows 8 សព្វថ្ងៃនេះពិតជាមានការពេញនិយមយ៉ាងខ្លាំង។ ជាមួយផ្ទាំង Metro Style និងរូបភាពផ្ទាំង Lock Screen បានធ្វើឱ្យលោកអ្នកមានការពេញចិត្តនិងងាយស្រួលប្រើចំពោះ ប្រព័ន្ធប្រតិបត្តិការនេះ។ នៅក្នុងIT Khmer Share នឹងបង្ហាញប្រិយមិត្តអ្នកអានអំពីវិធីសាស្ត្រមួយដែលអាចឱ្យលោក អ្នក ធ្វើការផ្លាស់ប្ដូរផ្ទាំងរូបភាព Lock Screen នៅក្នុង Windows 8 បានយ៉ាងងាយ ដោយលោកអ្នកត្រូវអនុវត្តជាមួយយើងដូចខាងក្រោម៖
១. ដំបូងលោកអ្នកត្រូវចុចទៅលើ Charm Bar menu ដោយចុច Win (key) + C នៅលើ Keyboard ។
២. នៅលើ Charm menu លោកអ្នកត្រូវចុចទៅលើអាយខុន Setting ដែលមាននៅខាងស្ដាំនៃ Desktop។
៣. បន្ទាប់មកអ្នកត្រូវមើលទៅខាងក្រោមនៃ Screen កុំព្យូទ័រ ហើយចុចលើ Change PC Setting ដើម្បីរៀបចំការកំណត់ផ្លាស់ប្ដូរ។
៤. ក្រោយមកលោកអ្នកត្រូវចុចលើ Personalize ដែលមាននៅខាងក្រោមនៃ PC Settings ។
៥. ហើយនៅខាងស្ដាំ Pane លោកអ្នកត្រូវចុចលើ Lock Screen ។ ពេលនោះអ្នកនឹងឃើញផ្ទាំងមួយដូចរូបខាងក្រោម។
៦. លោកអ្នកត្រូវចុចលើ Browse ដើម្បីចូលទៅរើសយករូបភាពណាមួយដែលអ្នកពេញចិត្ត ដើម្បីរៀបចំវាធ្វើជា Lock Screen Background ។ បន្ទាប់មកចុចលើ Open ដើម្បីកំណត់។
៧. ប្រសិនបើរូបភាពនោះបង្ហាញមកតូច លោកអ្នកអាចចុចជ្រើសយក Thumbnails ដើម្បីឱ្យវា View បង្ហាញរូបភាពទាំងនោះឱ្យធំដើម្បីងាយស្រួលមើល។
៨. ម្យ៉ាងវិញទៀតជាមួយនឹងវិធីសាស្ត្រនេះផងដែរ លោកអ្នកក៏អាចកំណត់កម្មវិធីផ្សេងទៀត ដើម្បីឱ្យវាដំណើរការលើ Background និងបង្ហាញពីលក្ខណៈនៃទិន្នន័យរបស់វានៅលើ Lock Screen របស់អ្នកផងដែរ។ ដើម្បីអាចកំណត់បានលោកអ្នកត្រូវចុច Scroll ចុះមកក្រោម ហើយអ្នកនឹងឃើញពាក្យថា Lock Screen apps ដូចនេះអ្នកអាចជ្រើសរើសយកសញ្ញា + ដើម្បីរើសកម្មវិធីដែលអ្នកពេញចិត្ត ហើយរៀបចំដាក់វា។
នៅទីបញ្ចប់លោកអ្នកប្រាកដជាអាចអនុវត្តបានយ៉ាងងាយជាមួយវិធី សាស្ត្រមួយនេះ ហើយយើងក៏សង្ឃឹមថាលោកអ្នកប្រាកដជាអាចផ្លាស់ប្ដូរផ្ទាំងរូបភាព Lock Screen របស់អ្នកបានយ៉ាងងាយផងដែរ៕
Post a Comment