ជាធម្មតានៅពេលដែលអ្នកចាប់ផ្ដើមទិញកុំព្យូទ័រថ្មីមួយ វាពិតជាសំខាន់ណាស់នៅក្នុងការត្រួតពិនិត្យមើលឧបករណ៍គ្រឿង Hard ware ពីខាងក្រៅ។ ជាមួយនោះដែរលោកអ្នកក៏ត្រូវត្រួតពិនិត្យមើល រន្ធដែលសម្រាប់ភ្ជាប់ជាមួយ Monitor ឬ Projector ផងដែរ។ ការពិនិត្យមើលអំពីលក្ខណៈបែបនេះគឺអាចងាយស្រួលឱ្យលោកអ្នក អាចភ្ជាប់ជាមួយ Projectors ដើម្បីឱ្យវាត្រូវជាមួយគ្នា។ ម្យ៉ាងវិញទៀតមានប្រភេទនៃឧបករណ៍ភ្ជាប់វីដេអូ (Video Connectors) ច្រើនប្រភេទដូចជា VGA, DVI និង HDMI ។ តើលោកអ្នកចង់ដឹងទេថា ឧបករណ៍សម្រាប់ភ្ជាប់វីដេអូទាំងនេះមានលក្ខណៈខុសគ្នាយ៉ាងណាខ្លះ? ដូចនេះទស្សនាវដ្ដីវិទ្យាសាស្ត្រកុំព្យូទ័រនឹងបង្ហាញមិត្តអ្នកអាន អំពីលក្ខណៈខុសគ្នានៃ Video Connectors ទាំងនេះដូចខាងក្រោម៖
I.VGA
VGA ( Video Graphic Array) គឺជាប្រភេទឧបករណ៍ភ្ជាប់ Video ដែលមានភាពល្បីល្បាញបំផុត វាត្រូវបានគេបង្កើតឡើងនៅក្នុងឆ្នាំ ១៩៨៧។ហើយប្រភេទ VGA នេះត្រូវបានគេនិយមប្រើប្រាស់ច្រើនបំផុតនៅលើពិភពលោក មានក្រុមហ៊ុនផលិតកុំព្យូទ័រជាច្រើនបានផលិតកុំព្យូទ័ររបស់ខ្លួន ដោយភ្ជាប់ជាមួយរន្ធ VGA នេះ ហើយវាក៏បានក្លាយជារន្ធសម្រាប់ Video Standard ផងដែរ។
VGA Cables វានាំសញ្ញា Analog Signal ដែលផ្ទុយពី Digital Signal (1,0) ដោយប្រើប្រាស់ប្រេកង់ខ្ពស់ ហើយវាមានសមត្ថភាពដែលអាចបញ្ជូននិងអាចភ្ជាប់ជាមួយ Video Resolutions បានយ៉ាងងាយស្រួល។ តែទោះជាយ៉ាងណាក៏ដោយកម្រិតភាពច្បាស់នៃវីដេអូក៏វាអាស្រ័យលើ គុណភាពនៃប្រភេទវីដេអូទាំងនោះផងដែរ។
ចុងម្ជុលរបស់ VGA មានចំនួន ១៥ ដែលត្រូវនឹងរន្ធភ្ជាប់១៥តូចៗ វាមាន ៥រន្ធជួរដេក និង៣ ជួរឈរ។ លោកអ្នកអាចមើលនៅក្នុងរូបបាន ហើយចំណែករូបរាងគឺអាស្រ័យលើការរចនារបស់អ្នកផលិត ហើយពណ៌ផ្ទៃក្នុង ភាគច្រើនមានពណ៌ខៀវ។
II.DVI
DVI គឺជាប្រភេទ Video Connectors មួយប្រភេទផងដែរ វាអាចដើរតួជំនួស VGA បាន ប៉ុន្តែ Connector ប្រភេទនេះវាដំណើរការនៅលើកុំព្យូទ័រដែលមានក្រាហ្វិក និងមាន Resolution ខ្ពស់។ ហើយប្រភេទ DVI នេះមិនអាចមានអានុភាពនិងសមត្ថភាពដូច VGA ធ្វើនោះទេ។
អ្វីដែលគួរឱ្យចាប់អារម្មណ៍នោះគឺមានប្រភេទនិងលក្ខណៈនៃ DVI connectors ជាច្រើនប្រភេទ លើកលែងតែប្រភេទ DVI-A Connector តែប៉ុណ្ណោះ។ ប្រភេទនៃ Connectors ទាំងអស់នោះអាចដំណើរការជាមួយ Uncompressed Digital Video មានន័យថាគុណភាពនៃរូបភាពនឹងមិនអាចបង្ហាញយ៉ាងច្បាស់ទៅតាម គុណភាពដែលបញ្ចេញតាម Cable របស់អ្នកឡើយ។
ប៉ុន្តែចំពោះ DVI-D Connector គឺអាចដំណើរការបញ្ជូននិងអាចបង្ហាញ Digital Video បានយ៉ាងច្បាស់។ ប្រភេទ DVI-D នេះមិនមាន ចុងម្ជុលនៅខាងលើនិងនៅខាងក្រោមនៃ Blade នោះទេ។ លោកអ្នកអាចមើលនៅក្នុងរូបបាន។
ហើយចំពោះ DVI-I វិញ បើមើលពីខាងក្រៅទៅក៏មានលក្ខណៈប្រហាក់ប្រហែលនឹង DVI-D ផងដែរ ប៉ុន្តែវាមានចុងម្ជុលបួន ដែលនៅព័ទ្ធជុំវិញ Blade ។ ចុងម្ជុលទាំងនោះវានាំសញ្ញា Analog Signal សម្រាប់ដំណើរការឱ្យត្រូវគ្នាជាមួយ VGA Standard ។ ហើយការបង្កើត DVI-I នេះឡើងក្នុងគោលបំណងដើម្បីឱ្យវាបញ្ជូន Interlaced Digital និង Analog Signal ។
ប្រភេទនៃ DVI-D និង DVI-I Connector ត្រូវបានផលិតមកក្នុងលក្ខណៈពីរយ៉ាងបន្ថែមទៀតគឺ Signal-link (មានបង្ហាញនៅក្នុងរូប)។ ទីតាំងរបស់វាគឺនៅចំចំណុចកណ្ដាលនៃ Connector ។ មួយទៀតគឺ Dual-link ដែលជាម្ជុលទាំង ២៤ ( ៣ x ៨) ដែលមានសមត្ថភាពនៅក្នុងការបង្ហាញជាមួយ Resolution ខ្ពស់។
III.HDMI
ប្រសិនបើ DVI អាចជំនួស VGA បាន, នោះ HDMI ក៏អាចជំនួស DVI បានផងដែរ។ វាមានលក្ខណៈជា High Definition Televisions ហើយHDMI Connector វាអាចដំណើរការជាមួយប្រភេទទូរទស្សន៍និងអាចបង្ហាញជាមួយកុំព្យូទ័រ បានផងដែរ។
HDMI ក៏មានលក្ខណៈដូចនឹង DVI ដែរ គឺវាត្រូវបានរចនាឡើងសម្រាប់បញ្ជូនទិន្នន័យជា Uncompressed data ។ តែទោះជាយ៉ាងណាក៏ដោយក្រៅពី Video Signal, HDMI ក៏អាចដឹកនាំ channels ចំនួន ៨ ដែលនាំចេញពី compressed ឬ uncompressed digital audio បានផងដែរ។
ជាធម្មតាមានប្រភេទនៃ HDMI ចំនួន ៥ ប្រភេទ តែប្រភេទដែលល្បីល្បាញនិងពេញនិយមបំផុតគឺប្រភេទ A ដែលយើងបានបង្ហាញដូចនៅក្នុងរូប។ ដូច្នេះនៅទីបញ្ចប់លោកអ្នកនឹងអាចស្វែងយល់អំពីប្រភេទនៃ Video Connectors ទាំងបីដែល CM យើងបានបង្ហាញខាងលើ សម្រាប់ការស្វែងយល់បន្ថែមសូមទំនាក់ទំនងមកកាន់ការិយាល័យនិពន្ធ ពួកយើងនឹងពន្យល់លោកអ្នកឱ្យកាន់តែក្បោះក្បាយ៕
Post a Comment