នៅ​ពេល​ដែល​​ អ្នក​ប្រើប្រាស់​ចង់​ធ្វើ​ការ​ចាកចេញ​ពី​កុំព្យូទ័រ ​ដែល​ខ្លួន​កំពុង​តែ​ប្រើប្រាស់​តែ​មួយ​រយៈ ជា​ធម្មតា​យើង​តែង​តែ​ធ្វើ​ការ​ Lock Screen ដើម្បី​កុំ​ឲ្យ​មាន​អ្នក​ដ៏​ទៃ​ប្រើប្រាស់​កុំព្យូទ័រ​របស់​យើង។ នៅ​ទំព័រ​នេះ IT Khmer Share សូម​ធ្វើ​ការ​បង្ហាញ​ពី​ការ​បង្កើត​ Shortcut ដើម្បី​ Lock កុំព្យូទ័រ​ មក​ជូន​ដល់​អ្នក​ទាំង​អស់​គ្នា​ តាម​រយៈ​វិធី​ងាយៗ​។
ជា ​ដំបូង​ធ្វើ​ការ​បង្កើត​ Shortcut មួយ ដោយ​ចុច​ Mouse ខាង​ស្ដាំ​ហើយ​ចុច​លើ​ពាក្យ​ New បន្ទាប់​មក​យក​ពាក្យ ShortCut ។ ពេល​នោះ​ System នឹង​បង្ហាញ​ផ្ទាំង​មួយ​ដល់​អ្នក​ទាំង​អស់​គ្នា។ ធ្វើ​ការ​វាយ​rundll32.exe user32.dll, LockWorkStation ទៅ​ក្នុង​ប្រអប់​ដែល​បាន​បង្ហាញ។
បន្ទាប់ ​ពី​នេះ សូម​ធ្វើ​ការ​ដាក់​ឈ្មោះ​ទៅ​លើ​ Shortcut ដែល​យើង​បាន​បង្កើត​ ហើយ​ឈ្មោះ​នេះ អ្នក​អាច​ដាក់​តាម​ចិត្ត​ដែល​យើង​ចង់​ដាក់​ ហើយ​នៅ​ទី​បញ្ចប់​ចុច​ទៅ​លើ​ពាក្យ​ Finish ជា​ការ​ស្រេច។
សាក​ល្បង​ Double Click ទៅ​លើ​ Shortcut ដែល​អ្នក​ទាំង​អស់​គ្នា​ទើប​បង្កើត​ ! តើ​វា​មាន​អ្វី​កើត​ឡើង​ ?