ដំឡើងកុំព្យូទ័រឱ្យសាកសមទៅនឹងការលេងហ្គេម

ដំឡើងកុំព្យូទ័រឱ្យសាកសមទៅនឹងការលេងហ្គេម
លោកអ្នកពិតជាឆ្ងល់ថាតើគេដំឡើងកុំព្យូទ័រយ៉ាងម៉េចឱ្យសាកសមទៅនឹងការលេងហ្គេម? ថ្ងៃនេះ IT Khmer Share នឹងដោះស្រាយនូវចម្ងល់របស់លោកអ្នក។
ជំហានទី១៖ ដំឡើង CPUនិង RAM ទៅលើBoard
ដើម្បីដំឡើង CPU មុនដំបូងយើងត្រូវបើកនូវគន្លឹះរបស់ Socket ដែលមាននៅលើ Motherboard បន្ទាប់មកយើងដាក់CPU ចូលទៅក្នុងនោះ។ យើងត្រូវប្រាកដថាយើងដាក់ CPU នោះឱ្យត្រូវតាមជ្រុងនៃ Socket។ បន្ទាប់មកដំឡើង RAM ទៅក្នុង Slot របស់វាឱ្យបានត្រឹមត្រូវ។

ជំហានទី២៖ រៀបចំកេះ(Case) រួចដាក់ Motherboard ចូល
មុននឹងយើងដាក់Motherboard ចូលទៅក្នុង Case យើងត្រូវផ្លាស់ប្ដូរកន្លែងនៃកង្ហារនៃCPU សិន។ ដោយដំបូងយើងដកបន្ទះខាងលើនិងខាងមុខរបស់ Case ចេញសិនបន្ទាប់មកដោះកង្ហារខាងក្រោយដែលមានប្រវែង១២សង់ទីម៉ែត្រ (12cm) និងកង្ហារខាងលើមានប្រវែង១៤សង់ទីម៉ែត្រ (14cm)ចេញ។ ការដោះចេញនេះគឺវាទាក់ទងទៅនឹងការបញ្ជា និងភ្ជាប់ទៅMotherboard ។ រួចយើងយកកង្ហារប្រវែង ១២សង់ទីម៉ែត្រដែលយើងបានដោះចេញនោះទៅដាក់នៅពី ក្រោយថាស Motherboard រួចយកកង្ហារប្រវែង១៤សង់ទីម៉ែត្រទៅដាក់នៅម្ខាងនៃថាស Motherboardរួចទើបមួលខ្ចៅចាប់ភ្ជាប់។

បន្ទាប់មកដាក់របាំងការពារ Motherboard ចូលទៅក្នុងកន្លែងវារួចទើបដាក់ Motherboard ចូលទៅក្នុងនោះ។

ជំហានទី៣៖ ដំឡើងប្រអប់ត្រជាក់របស់ CPU
ប្រអប់ត្រជាក់AMD’s Bulldozer-branded គឺបង្កើតដោយ Asetek។ វាគឺដូចគ្នាទៅនឹង OEM ដែរ ដែលបង្កើតប្រអប់ត្រជាក់ប្រភេទ RST2011LC ឱ្យ Intel។
យើងត្រូវភ្ជាប់កង្ហារដែលជាប្រអប់ត្រជាក់នោះចូលទៅក្នុងផ្នែកម្ខាងនៃ Case រួចដាក់កង្ហារផ្សេងទៀតភ្ជាប់ទៅនឹងរ៉ាយ៉ាទ័រ។ បន្ទាប់មកយកខ្សែរបស់រ៉ាយ៉ាទ័រទៅភ្ជាប់ទៅនឹង Motherboard។ យើងដាក់កង្ហារនេះ គឺដើម្បីបាញ់កម្ដៅចេញមិនឱ្យកម្ដៅចូលទៅជិត CPU ឡើយ។

បន្ទាប់មកយើងត្រូវដាក់បន្ទះត្រជាក់ដែលគេហៅថា Heatsink ទៅលើCPU ដើម្បីឱ្យវាស្រូបយកកម្ដៅចេញពី CPU។

ក្រោយមកយើងត្រូវភ្ជាប់ខ្សែ Powerដែលមានជើង៣ទៅនឹងកង្ហារនៃ CPU រួចដំណើរការនូវ Y-connector នៃកង្ហាររបស់រ៉ាយ៉ាទ័រដែលនៅពីក្រោយMotherboard ដោយភ្ជាប់ទៅនឹងខ្សែរបស់រ៉ាយ៉ាទ័រ។ បន្ទាប់មកទៀតយើងត្រូវភ្ជាប់ខ្សែ USB 2.0 ដែលនៅផ្នែកខាងក្រោយនៃ Motherboard ដែរនោះទៅនឹងផ្នែកខាងក្រោមនៃ Motherboard។

ជំហានទី៤៖ ដំឡើង Drive
យើងត្រូវយកHard Disk Drive ទៅដាក់នៅលើBay រួចមូលខ្ចៅឱ្យជាប់មាំ។ បន្ទាប់មកទើបយក Hard Disk Driveដែលភ្ជាប់ជាមួយ Bayនោះទៅដាក់នៅក្នុង Case រួចមូលខ្ចៅបន្ទាប់មកទើបភ្ជាប់ខ្សែរបស់វាទៅនឹង Motherboard។

ជំហានទី៥៖ ដំឡើង PSU
ដំឡើង Power Supply ដែលជាឧបករណ៍ផ្គត់ផ្គង់និងចែកចាយចរន្តភ្លើងនោះទៅដាក់នៅក្នុង Case ។ បន្ទាប់មក យកខ្សែដែលភ្ជាប់មកជាមួយ Power Supply មានខ្សែPower ជើង៤ជើង២៤ និងជើង៦ដែលនៅជិត PSU ទៅដោតភ្ជាប់ទៅនឹងរន្ធដែលមានស្រាប់នៅលើ Motherboard។

ជំហានទី៦៖ បញ្ចប់រាល់ការដាក់ខ្សែភ្លើង
ជំនួសនូវកង្ហារដែលនៅផ្នែកខាងលើមានប្រវែង 14cm ដោយការត្រឡប់វាជុំវិញ។ការធ្វើបែបនេះ គឺដើម្បីរក្សានូវVoltage នៃ Motherboard ឱ្យមានតុល្យភាពនៅក្រោមរ៉ាយ៉ាទ័រ។

បន្ទាប់មកភ្ជាប់ខ្សែ Power របស់កង្ហារនោះទៅនឹង Motherboard ។ បន្ទាប់មកភ្ជាប់រាល់ខ្សែទាំងអស់ទៅនឹងBoard ។ រួចភ្ជាប់ខ្សែ SATA ទៅនឹង Hard Disk និងខ្សែផ្សេងទៀតទៅតាមកន្លែងរៀងៗខ្លួន។

ពេលនេះ ការដំឡើងកុំព្យូទ័រយើងត្រូវបានបញ្ចប់យើងនឹងទទួលបាននូវ កុំព្យូទ័រមួយដែលមានសមត្ថភាព និងសាកសមបំផុតទៅនឹងការលេងហ្គេម៕

អាយធីខ្មែរស៊ែរ