ហេតុអ្វីបានជាកុំព្យូទ័រខ្ញុំយឺតម្ល៉េះ?

រិយមិត្តប្រាកដជាធុញទ្រាន់ជាមិនខាន នៅពេលដែលកុំព្យូទ័ររបស់អ្នកដំណើរការយឺតម្ដងៗ។ មានបញ្ហាជាច្រើនដែលធ្វើឲ្យកុំព្យូទ័ររបស់អ្នកដើរយឺតនោះ។ តើវាបណ្ដាលមកពីអ្វីខ្លះទៅ? ដោះស្រាយយ៉ាងម៉េច?
បញ្ហា Registry
Registry គឺជា Database ដែលផ្ទុកទៅដោយ configuration settingនិង option មួយចំនួនសម្រាប់កំណត់ Windows Operating Systems។ នៅពេលដែលអ្នក Add ឬ Remove កម្មវិធី, HardwareនិងFile ផ្សេងៗក្នុងកុំព្យូទ័រ វានឹងកំណត់នូវ Entry មិនចាំបាច់មួយចំនួន។ ការណ៍នេះនឹងធ្វើឲ្យកុំព្យូទ័រដើរយឺត។
ដំណោះស្រាយ៖ ទាញយកកម្មវិធី RegistryBooster ឬកម្មវិធីផ្សេងទៀតសម្រាប់ពិនិត្យមើល Hidden Error មួយចំនួនឲ្យដំណើរការបានល្អធម្មតាវិញ។

បញ្ហា Virus ឬ Spyware
បញ្ហាសំខាន់មួយទៀតគឺ Virus ឬ Spyware ។ នៅពេលដែល ប្រភេទមេរោគទាំងនេះចូលវាយលុកកុំព្យូទ័រ វាបានប្រាកដជាធ្វើឲ្យដំណើរការយឺតជាមិនខាន ហើយអាចបំផ្លាញឯកសាររបស់អ្នកថែមទៀតផង។
ដំណោះស្រាយ៖ ដំឡើងកម្មវិធីកម្ចាត់មេរោគដែលមានអាជ្ញាប័ណ្ណត្រឹមត្រូវ និងស្គានឲ្យបានញឹកញាប់។

អង្គចងចាំតូចពេក
ពេលខ្លះ អ្នកប្រើប្រាស់ដំឡើងកម្មវិធីច្រើនពេកក្នុងកុំព្យូទ័រ ជាហេតុធ្វើឲ្យ RAM មិនអាចផ្តល់ល្បឿនឆ្លើយតបបានទៅនឹងតម្រូវការកម្មវិធីដែល កំពុងប្រើប្រាស់ដ៏ច្រើននោះទេ។
ដំណោះស្រាយ៖ បន្ថែមទំហំ RAM (ពេលដែលមិនទាន់បានបន្ថែមទំហំដល់កម្រិតអតិបរមា)។

Hard Drive Fragementation
នៅពេលដែលកម្មវិធី ឬ File ផ្សេងៗនៅរប៉ាត់រប៉ាយ មិនមានរបៀបរៀបរយក្នុង Hard Drive វាក៏ជាផ្នែកមួយធ្វើឲ្យកុំព្យូទ័រដំណើរយឺតផងដែរ។
ដំណោះស្រាយ៖ កំណត់ Defragementation ដោយគ្រាន់តែចូល All Programs>Accessories>System Tools>Disk Defragmenter>រួច Select លើ Drive ណាមួយរួច Defrage ជាការស្រេច។

ទំហំ Hard Disk
ជួលកាលប្រិយមិត្តមិនបានពិនិត្យមើលទំហំ Drive ណាមួយទេ គឺតែងតែ Copy ឯកសារចូលក្នុង Hard Drive។ នៅពេលទំហំ Hard Disk (Free Space) នៅសល់តូចពេក នឹងធ្វើឲ្យកុំព្យូទ័រដំណើរការយឺតជាមិនខាន។
ដំណោះស្រាយ៖ គួរលុបឯកសារដែលមិនសំខាន់ចោល ឬ Copy ទុកក្នុង External Hard Disk ឬមួយប្រិយមិត្តអាចបន្ថែមទំហំ Hard Disk ក៏បាន។
Driver មួយចំនួនផុតកំណត់
ពេលខ្លះយើងពុំបានចាប់អារម្មណ៍ លើ Driver របស់កម្មវិធីទេ មានន័យថា ប្រិយមិត្តមិនដែលបាន update វាឡើយ។ នេះក៏ជាកត្តាមួយធ្វើឲ្យកុំព្យូទ័រដំណើរការយឺតដែរ ហើយពេលខ្លះនឹងធ្វើឲ្យគាំងលែងដំណើរការតែម្ដង។
ដំណោះស្រាយ៖ ត្រូវ update driver ឲ្យបានញឹកញាប់។

Case កុំព្យូទ័រចាស់ឬកខ្វក់
Case ក៏ជាកត្តាមួយធ្វើឲ្យកុំព្យូទ័រដើរយឺតដែរ ពីព្រោះនៅពេលយើងមិនបានសម្អាតបានល្អ និងមានធូលីចូលក្នុងម៉ាស៊ីន អាចរំខានដល់កង្វារខាងក្នុង ឬ Cooling នៃម៉ាស៊ីន បន្ថយធាតុត្រជាក់ ជាហេតុធ្វើឲ្យកុំព្យូទ័រក្ដៅខ្លាំងដើរយឺត។
ដំណោះស្រាយ៖ សម្អាត Case ឲ្យបានញឹកញាប់។
Hardware ខាងក្នុងមានបញ្ហា
ត្រូវពិនិត្យ និងកត់សម្គាល់កុំព្យូទ័ររបស់អ្នក ពេលខ្លះវាអាចឡើងកម្ដៅខុសពីធម្មតា ដែលជាហេតុធ្វើឲ្យវាដំណើរការយឺត ពីព្រោះវាអាចបណ្ដាលមកពី Cooler ឬកង្ហារខាងក្នុងមានបញ្ហា។

អាយធីខ្មែរស៊ែរ