ដាក់លេខទំព័រផ្សេងគ្នាក្នុងWord 2007បានទេ?

Monday, December 17, 20120 comments

កម្មវិធី Microsoft Word 2007 ជាកម្មវិធីដែលទទួលបានការប្រើប្រាស់យ៉ាងច្រើន ហើយកម្មវិធីនេះមានមុខងារ ក៏ដូចជាលក្ខណៈពិសេសជាច្រើនដែលមានអ្នកប្រើប្រាស់ក៏ដឹង ឯខ្លះទៀតក៏មិនទាន់ដឹង។
នៅក្នុងអត្ថបទលើកនេះ Sabay សូមលើកយកលក្ខណៈពិសេសមួយដែលអាចកំណត់លេខទំព័រខុសៗគ្នានៅក្នុង ឯកសារតែមួយបាន។ ប្រហែលជាមានប្រិយមិត្តខ្លះធ្លាប់ដឹងហើយ តែសូមចាត់ទុកថានេះជាការរំលឹកឡើងវិញចុះ និងសូមចូលរួមជាគំនិតថ្មីៗដែលប្រិយមិត្តផ្សេងទៀតមិនទាន់ដឹង ផង។
១. សាកបើកឯកសារដែលមានទាន់មានអក្សរមួយសិន រួចចុច Ctrl+ Enter រហូតបាន ៣ ទំព័រ
២. ចុចលើ Insert => Page Number => Bottom of Page => ស្រេចលើការជ្រើសរើស នោះនឹងឃើញដូចក្នុងរូបទី ២
៣. Break Section ដោយដាក់ Cursor លើក្រដាសទំព័រទី ៣ រួចចុចលើ Page Layout => Breaks => Next Page
៤. ដាក់លេខទំព័រឲ្យខុសពី Sectionមុន ដោយចុចលើ Inset => Page Number => Format Page Number

៥. បំពេញលេខដែលអ្នកចង់បង្ហាញនៅលើ Section ទី ២ នៅក្នុងប្រអប់ Start at => OK នេះជាការ
ស្រេច។

*បើ សិនប្រិយមិត្តមិនចង់ឲ្យ Section ទី ១ ចេញលេខទំព័រ នោះប្រិយមិត្តគ្រាន់តែ Double click លើ Footer របស់ក្រដាសក្នុង Section ទី ២ រួចចុចលើ Link to Previous (ពេលមិនទាន់ចេញ Link to Previous ជាប់ពណ៌ក្រហម)។ បន្ទាប់មកគ្រាន់តែចុច Double Click លើ Footer របស់ Section ទី ១ រួចលុបលេខទំព័រជាការស្រេច។
ចំណុចគន្លឹះគួរចងចាំ៖ ចំណុច សំខាន់នៅក្នុងចំណុចពិសេសនេះគឺ ការផ្តាច់ Section មានន័យថាបើប្រិយមិត្តចង់ឲ្យទំព័រណាមួយបង្ហាញលេខទំព័រ ហើយមិនចង់ទំព័រផ្សេងទៀតបង្ហាញលេខទំព័រនោះ គ្រាន់តែផ្តាច់ជាឯកសារជា Section ហើយធ្វើតាមលំនាំខាងលើជាការស្រេច។

Share this article :

អាយធីខ្មែរស៊ែរ