ដំណោះ​ស្រាយចំពោះ​បញ្ហា​ភ្ជាប់ Wireless មិនដំណើរការ

ញ្ហាដែល​តែងតែកើត​មានក្នុងការ​ប្រើប្រាស់អ៊ីនធើណេត នៅតែជាបញ្ហាចោទ ចំពោះលោកអ្នក និង​សិស្សនិស្សិត ដែលកំពុងប្រើប្រាស់វា។ ដោយឡែកការ ភ្ជាប់ប្រព័ន្ធបណ្តាញ ដើម្បីប្រើប្រាស់ និងលេងកម្សាន្ត តាមរយៈគេហទំព័រ​នានា ដូចជា​ facebook ឬ Google ជាដើម។
អត្ថបទនេះ IT Khmer Share សូមលើកយកអត្ថបទ ដែលទាក់ទង​នឹងការភ្ជាប់ Wireless Network មកដោះស្រាយ​ជូនលោកអ្នក ដែលធ្លាប់បាន​ជួបប្រទះ ឬមិន​ទាន់​ជួបក្តី ទុកគ្រាន់ជាឯកសារ យោង​ទៅថ្ងៃមុខ។
ជាធម្មតា​ការភ្ជាប់អ៊ីនធើណេត តាមបណ្តាហាង​កាហ្វេ ដែលមាន Free Wifi ឬហាងអ៊ីនធើណេត នានា តែងតែធ្វើការ​ផ្លាស់ប្តូរ នូវលេខ​សម្ងាត់ ដើម្បីរក្សាសុវត្ថិភាព ចំពោះបណ្តាញរបស់ពួកគេ។ ការផ្លាស់ប្តូរនេះ អាចបណ្តាលឲ្យមានបញ្ហា នៅពេលអ្នក​ប្រើប្រាស់ ធ្វើការភ្ជាប់បណ្តាញ នាពេលបន្ទាប់ (ប្រសិនបើអ្នក ធ្លាប់​ភ្ជាប់​ម្តងហើយ វានឹងចាំលេខសម្ងាត់ចាស់)។
សូមពិនិត្យ រូបខាងក្រោម ដែលបង្ហាញពីដំណើរការភ្ជាប់បរាជ័យ និងដំណោះស្រាយងាយៗ៖

ការភ្ជាប់ Wifi ដែលធ្លាប់ភ្ជាប់ពីមុន

 

កំពុងដំណើរការភ្ជាប់

 

ការភ្ជាប់បរាជ័យ

បញ្ហាខាងលើនេះ គឺបណ្តាលមកពីលោកអ្នក​បានភ្ជាប់ Wifi ដែលមានឈ្មោះថា៖ "TC_Hawai" ម្តងរួចមកហើយ ដោយប្រើលេខសម្ងាត់ចាស់។ ដំណោះស្រាយងាយៗ ដោយលោកអ្នកគ្រាន់តែចូលទៅបើក Wireless Network ហើយលុប Wireless នោះចោល គឺជាការស្រេច។
——————-
ជំហានទី១៖
សូមចុចលើ "Open Network and Sharing Center"
 
 

 
ជំហានទី២៖ រួចបន្តចុចលើ "Manage wireless networks" ដើម្បីចូលទៅលុប Wireless Network ដែលភ្ជាប់មិនដំណើរការនោះ។
 

 
ជំហានទី៣៖ សូមស្វែងរកឈ្មោះ Wireless Network ដែលអ្នកចង់លុប
 

 
ជំហានទី៤៖ សូមចុច Mouse ស្តាំ (Right-Click) រួចចុចលើ Remove Network
 

 

សូមចុចលើ Yes ដើម្បីប្រាកដថា នឹងលុបចោល

 

បន្ទាប់ពីបានលុបរួចហើយ សូមលោកអ្នកចូលទៅបើក Wireless Network របស់អ្នក រួចសាកល្បងភ្ជាប់​សារជាថ្មី នោះលោកអ្នក​នឹងជោគជ័យ។