នាពេលបច្ចុប្បន្ននេះវិទ្យាសាស្ត្រមានការរីកចំរើនយ៉ាងខ្លាំង ហេតុនេះទើបបានគេរកឃើញវិធីសាស្ត្រថ្មីៗជាច្រើនដើម្បីបង្ក ភាពងាយស្រួលដល់ការប្រើប្រាស់កុំព្យូទ័ររបស់អ្នក។ ខាងក្រោមនេះ ទស្សនាវដ្ដីវិទ្យាសាស្ត្រកុំព្យូទ័រយើងនឹងបង្ហាញពីការ Encrypt USB Flash នៅក្នុង Windows 8 ដើម្បីងាយស្រួលក្នុងការការពារសុវត្ថិភាពរបស់ USB Flash របស់អ្នក។ ដូចនេះមិត្តអ្នកអានអាចអនុវត្តជាមួយយើងដូចខាងក្រោម៖
១/ ដំបូងអ្នកគ្រាន់តែយក USB ដោតចូលទៅក្នុង desktop Computer ឬ laptop របស់អ្នក។
២/ នៅពេលដែល Widows ស្គាល់ USB Drive របស់អ្នកហើយ អ្នកត្រូវបើកចូលទៅកាន់ My Computer រួចចុចជ្រើសរើសយក USB Drive របស់អ្នក។
៣/ អ្នកត្រូវមើលទៅខាងលើនៃផ្ទាំង Explorer របស់អ្នក នៅពេលនោះអ្នកនឹងឃើញមានមីនុយ Drive Tool ពណ៌បៃតង ហើយនៅខាងក្រោមវាអ្នកត្រូវចុចលើ Manage ។
៤/ បន្ទាប់ពីបានចុចលើ Manage រួចអ្នកត្រូវចុចលើ BitLocker ហើយនៅលើ Drop down menu អ្នកត្រូវចុចលើរបាមួយគឺ Turn on BitLocker ។
៥/ សូមរង់ចាំ ពីរទៅបីនាទីនៅពេលដែល BitLocker កំពុងតែចាប់ផ្ដើម បន្ទាប់មកអ្នកត្រូវចុចលើ Check box ដែលនៅខាងមុខពាក្យថា Use a Password to Unlock the Drive ។
៦/ក្រោយមកអ្នកត្រូវវាយ Password ពីរដង ហើយចុច Next ដើម្បីបន្តដំណើរការ។
៧/ ពេលនេះWindows នឹងសួរបញ្ជាក់អ្នកថា តើអ្នកចង់ Back up លេខសម្ងាត់ដែរឬទេ។ ការ Backup លេខសម្ងាត់នេះនឹងផ្ដល់ភាពងាយស្រួលដល់អ្នកនៅពេលណាមួយដែលអ្នក ភ្លេចលេខសម្ងាត់ដើមនេះ។ បន្ទាប់មកអ្នកនឹងត្រូវជ្រើសរើសយកចំណុចណាក្នុងចំណោមជម្រើសទាំង បី នេះ។
៨/ ឥឡូវនេះអ្នកត្រូវជ្រើសរើសអំពីទំហំនៃការ encrypt
- ប្រសិនបើអ្នកជ្រើសរើសយក encrypt only used disk នោះវានឹងដំណើរការលឿន ប៉ុន្តែចំពោះទិន្នន័យថ្មីៗ ដែលអ្នកទើបដាក់បញ្ចូលទៅក្នុង USB Flash នោះវានឹងមិនធ្វើការ Encrypt ទេ។
- ប្រសិនបើអ្នកជ្រើសរើសយក encrypt entire drive វានឹងចំណាយពេលយូរដើម្បី encrypt តែការជ្រើសរើសនេះវាអាចធានាសុវត្ថិភាពចំពោះទិន្នន័យថ្មីៗដែល អ្នកទើបដាក់បញ្ចូលពេលក្រោយ។
៩/ បន្ទាប់មកអ្នកត្រូវ Click ពាក្យថា Start encrypting ហើយត្រូវរង់ចាំពីរបីនាទីរហូត ដំណើរការ Encrypt បញ្ចប់។
១០/ ខណៈពេលដែលអ្នកធ្វើការចាក់សោបានសម្រេច អ្នកនឹងឃើញ USB របស់អ្នកជាប់សោសុវត្ថិភាព ហើយពេលដែលអ្នក double-click ទៅលើ drive នោះវានិងលោតផ្ទាំងតូចមួយឱ្យអ្នកបញ្ចូលpassword ។ ប្រសិនបើអ្នកដាក់ Password ត្រូវ USB drive របស់អ្នកដំណើរការ។
១១/ ប្រសិនបើអ្នកចង់ ប្ដូរ ឬ លុបការចាក់សោវិញគ្រាន់តែ moues ស្ដាំទៅលើ USB drive ។
បន្ទាប់មក អ្នកចុចលើពាក្យថា Change Bitlocker password។ ហើយអ្នកអាចផ្លាស់ប្ដូរឬជ្រើសរើសជម្រើសណាមួយដែលអ្នកត្រូវការ។ នៅទីបញ្ចប់អ្នកនឹងអាចការពារសុវត្ថិភាព USB Flash របស់អ្នកយ៉ាងល្អបំផុតជាមួយ Windows 8 ៕
Post a Comment