បង្កើត Network File Share នៅលើ Windows 8 ដោយគ្មានលេខកូដសម្ងាត់

កាលដែលលោកអ្នកបានជ្រើសរើសយកការផ្ទេរ ឬទាញយកឯកសារផ្សេងៗពីមិត្តរួម
ការងាររបស់លោកអ្នកមកប្រើប្រាស់តាមរយៈបណ្តាញ Network នេះជាវិធីសាស្រ្តមួយ
ដ៏ល្អបំផុត​ហើយផ្តល់នូវភាពងាយស្រួល និងចំណេញពេលវេលាច្រើនដល់លោកអ្នក។
ទោះយ៉ាងនេះក្តីក៏នៅមាន ចំណុចមួយចំនួនអាចនិយាយបានថាវាតិចតួចបំផុត​ដែលធ្វើ
ឲ្យលោកអ្នក មានការធុញទ្រាន់បន្តិចបន្តួច តួយ៉ាងដូចជាការទាមទារលេខកូដសម្ងាត់
នៅ ពេលមានការ Log-in ចូលដើម្បីទាញយកឯកសារនានាពីកុំព្យូទ័រមួយទៅកាន់កុំព្យូទ័រ
មួយផ្សេងទៀតជាដើម  ប៉ុន្តែនៅពេលនេះលោកអ្នកអាចបិទ Password Protected
Sharing ចោលតែម្តងបាន សូមអនុវត្តជាមួយ ​​​​​​​ អាយធីខែ្មរស៊ែរដូចខាងក្រោម។
គួរបញ្ជាក់ផងដែរថាប្រសិន បើលោកអ្នកព្យាយាម Log លើម៉ាសីុនកុំព្យូទ័រដែលដំណើរការដោយ
Windows ជំនាន់ថ្មីនោះនឹងមានការបង្ហាញនូវ Hosting Network Share ភ្លាមនៅ ខណៈពេលលោក
អ្នកបានវាយបញ្ចូល​Username និង Password រួចចុច ចង្កឹះ Enter រួច ។

    ជាមួយគ្នានេះដែរ  សូមលោកអ្នកជៀសវាងការចែករំលែករាល់ថត ឯកសាររបស់លោកអ្នក
ជាលក្ខណៈ Everyone Security Full Access ព្រោះថាការ Share របៀបនេះអាចបណ្តាលឲ្យកើត
មាន​នូវបញ្ហាមួយចំនួន ជាយថាហេតុ តួយ៉ាងដូចជាការឆ្លងមេរោគពីការទាញយកឯកសារពីម៉ាស៊ីន
មួយទៅកាន់ម៉ាស៊ីនមួយទៀតផ្សេង ។

 

    ផ្ទុយមកវិញ ដើម្បីធ្វើការបិទនូវ Hosting File Sharing សូម លោកអ្នក ចុចកណ្តុរស្តាំទៅលើ
Network Notification Icon ហើយ​បន្ត Select លើ Open Network and Sharing Center ដែលមាន
នៅក្នុងមឺនុយ ។

    បន្ទាប់មក សូមចុចលើលីង Change Advanced Sharing Settings ដែលស្ថិតនៅផ្នែក
ខាងឆ្វេងដៃលោកអ្នក ។

    បន្តមកទៀត លោកអ្នកចាំបាច់ត្រូវធ្វើការបង្ហាញនូវ Networks Sections ទាំងអស់ដោយ
គ្រាន់តែចុចទៅលើសញ្ញាព្រួញចុះនៅត្រង់ All Networks ជាការស្រេច ។

    រួចរាល់ហើយ លោកអ្នកត្រូវធ្វើការជ្រើសរើសយកមុខងារ Turn off password protected
sharing និងបន្តចុចលើប៊ូតុង Save Changes (សូមមើលរូបភាពខាងក្រោម) ។

    ក្រោយពីលោកអ្នកបានអនុវត្តទៅតាមជំហាននីមួយៗដែលខាង អាយធីខែ្មរស៊ែរ បានបង្ហាញជូនខាងលើរួចមក នោះឃើញថា រាល់ការ Logពីម៉ាសីុនកុំព្យូទ័រមួយទៅកាន់ម៉ាស៊ីនមួយ
ផ្សេងទៀត​នឹងមិនមានការទាមទារនូវការវាយបញ្ចូលលេខកូដសម្ងាត់ដូចពេលមុនៗទៀត ឡើយ ៕