Slide.ly គឺជាវ៉ិបសាយមិនគិតថ្លៃដោយអនុញ្ញាតឱ្យលោកអ្នកអាចបង្កើតជា អាល់ប៊ុមរូបថតចេញពីបណ្ដាញសង្គមដែលពេញនិយមដូចជា Facebook, Flickr, Instagram, Picasa រួមជាមួយនឹង Google Image។ជាពិសេសថែមទាំងផ្ដល់ឱ្យលោកអ្នកអាចបង្កើតជាលក្ខណៈ slide show បានយ៉ាងល្អអស្ចារ្យដោយអមជាមួយបទចម្រៀងពីរោះបានទៀតផង។ម្យ៉ាងទៀត គឺវាមានងាយស្រួលប្រើប្រាស់ Interface ដែលលោកអ្នកអាចយល់ពីការធ្វើយ៉ាងងាយបំផុត ដោយផ្ដល់ឱ្យលោកអ្នករៀបចំនូវរូបថតទាំងនោះចេញពីប្រភពដូចជា Facebook, Instagram, hard disk, ជាដើម។ដើម្បីឱ្យជ្រាប់កាន់តែច្បាស់ឥឡូវសូមចាប់ផ្ដើមអនុវត្តន៍ តាមដូចខាងក្រោមនេះ៖
សូមចូលទៅកាន់វិបសាយ Slide.ly រួចហើយ log ចូលទៅក្នុងគណនី Facebook របស់លោកអ្នក។បន្ទាប់មកសូមជ្រើសរើសនូវប្រភេទ slideshow ផ្សេងៗដូចជា Birthday, Art&Design, Family, Music, Sport និងប្រភេទ slideshow ជាច្រើនទៀត។
បន្ទាប់ពី login រួចលោកអ្នកអាចភ្ជាប់ទៅគ្រប់គណនី ជាបន្តសូមជ្រើសរើសនូវអាល់ប៊ុមរូបថតរបស់លោកអ្នក។ម្យ៉ាងទៀតក៏អាច បញ្ចូលបន្ថែមនូវរូបថតឬរូបភាពរបស់មិត្តភ័ក្ដិលោកអ្នកបានផងដែរ។
នៅពេលលោកអ្នកបានបញ្ចូលរូបថតហើយនោះ លោកអ្នកអាចធ្វើការគ្រប់គ្រងទៅលើរូបថតទាំងនោះបានតាមចិត្តរបស់ លោកអ្នក។ជាមួយគ្នានេះដែរ លោកអ្នកក៏អាចរៀបចំដាក់រូបថតជា cover បានយ៉ាងងាយស្រួល។
ទន្ទឹមនឹងនេះលោកអ្នកអាចដាក់បញ្ចូលជាបទចម្រៀងដែលបន្ថែមជាមួយ slideshow ដោយការជ្រើសរើសនៅក្នុង YouTube ឬ SoundCloud ហើយបន្ទាប់ពីនោះលោកអ្នកអាចរើសបទចម្រៀងណាមួយដែលគិតថាពីរោះចង់ ដាក់ជាមួយ slideshow ដែលលោកអ្នកទើបបានបង្កើត។
Post a Comment