បញ្ចៀសបញ្ហាពេលអ្នកប្រើគណនី Gmailផ្ញើសារមានភ្ជាប់ Attachment Files

Gmail គឺជាសេវាកម្មមិនគិតថ្លៃដោយអនុញ្ញាតឱ្យលោកអ្នកអាចបង្កើតគណនីបាន ច្រើន និងផ្ដល់ភាពងាយស្រួលដល់លោកអ្នកក្នុងការផ្ញើជាសារ ឬ upload ផ្សេងៗបានលឿន។យ៉ាងណាមិញរាល់ពេលដែលលោកអ្នកចង់ផ្ញើឬទទួលអ៊ីមែល ពីនរណាម្នាក់នោះ លោកអ្នកតែងតែ ភ្ជាប់ឬattach files ណាមួយទៅជាមួយ។សម្រាប់ attachments អាចជារូបភាព ឯកសារ និងកម្មវិធីជាដើម ប៉ុន្តែចំពោះ files ខ្លះក៏មានបញ្ហាដែលដោយសារពេលខ្លះលោកអ្នកផ្ញើ files ច្រើនក្នុងពេលតែមួយ ឬអាចមកពី files នោះមានទំហំធំពេក ឬមួយក៏អាចបណ្ដាលមកពីកម្មវិធីបានបិទ file នោះមិនអាចផ្ញើឬទទួលបាន។តើយើងត្រូវធ្វើដូចម្ដេចដើម្បីបញ្ចៀស នូវបញ្ហាទាំងនេះបាន?ដើម្បីបញ្ចៀសបញ្ហាទាំងនេះលោកអ្នកអាចមើល ដំណោះស្រាយដូចខាងក្រោម៖
I. បញ្ហា Attachment ត្រូវបាន បិទឬblock នៅពេលផ្ញើ
ចំពោះកម្មវិធី និង web mail clients មួយចំនួនត្រូវបានបិទ(block )ទៅលើប្រភេទ files ដូចជា .exe ឬ scripts និង compressed files (.rar, .zip) ជាដើម។
ជំហានទី១៖ ដើម្បីអាចធ្វើការ attach block file ទៅកាន់សាររបស់លោកអ្នកបាន ត្រូវផ្លាស់ប្ដូរកន្ទុយ(extension) file នោះជាមុនសិន។បន្ទាប់មកសូមចូលទៅកាន់ Start menu រួចហើយជ្រើសរើស Computer។
ជំហានទី២៖ បន្ទាប់មកទៀតសូមចុចលើថេប Organize វានឹងបង្ហាញ dropdown menu ដោយជ្រើសរើសយក Folder and search options ។

ជំហានទី៣៖ សូមចុចជ្រើសរើសលើថេប View បន្ទាប់មកដោះធីកនៅលើ Hide extensions for known file types រួចហើយចុច OK ដើម្បីផ្លាស់ប្ដូរវាចេញ។

ជំហានទី៤៖ ឥឡូវនេះសូមចុចចូលទៅ Start menu ហើយចុចបើក Computer ម្ដងទៀត។រកទីតាំង block file ហើយចុច key F2 នៅលើ keyboard របស់លោកអ្នក។
ជំហានទី៥៖ ជាបន្ត right click លើ file នោះរួចហើយជ្រើសរើសយកពាក្យ Rename ដើម្បីប្ដូរកន្ទុយ file .exe ទៅជា .doc វិញ ក្រោយពីលោកអ្នកបានធ្វើការប្ដូររួចមកវានឹងលាត់ចេញផ្ទាំងមួយដោយ សួរបញ្ជាក់ទៅកាន់លោកអ្នកថាពិតជាចង់ផ្លាស់ប្ដូរមែនឬទេ?

ជំហានទី៦៖ ឥឡូវនេះបន្ទាប់ពីលោកអ្នកធ្វើតាមការណែនាំពីខាងលើមក លោកអ្នកអាចធ្វើការផ្ញើនឹងទទួល file តាម អ៊ីមែលបានដូចធម្មតា។
II.ការ Upload filesច្រើនក្នុងពេលតែមួយ
ជាធម្មតានៅពេលលោកអ្នកចង់ upload file ម្ដងៗតែងតែចុចលើ file នោះម្ដងមួយៗដែលផ្ដល់ផលពិបាក និងចំណាយពេលយូរ។ដូច្នេះដើម្បីអាច upload files ច្រើនបានដោយមិនចាំបាច់រង់ចាំយូរនោះសូមមើលនៅខាងក្រោម៖
ជំហានទី១៖ សូមបង្កើតអ៊ីមែលថ្មីដោយចុចលើថេប compose ដែលស្ថិតនៅក្នុង Gmail ហើយដើម្បីអាច attach files ទាំងនោះបានត្រូវលើ link attach a file ដូចរូបខាងក្រោម។

ជំហានទី២៖ បន្ទាប់មកសូមបើក windows របស់លោកអ្នករួចហើយស្វែងរក folder ដែលជាទីតាំងនៃ files ដែលលោកអ្នកចង់ធ្វើការ attach ។ចុចលើ key ctrl ដែលស្ថិតនៅលើ keyboard នោះឱ្យជាប់រួចហើយប្រើ mouse ចុចជ្រើសរើស files ណាមួយឬច្រើនទៅតាមចិត្តដែលលោកអ្នកចង់ upload ។

ជំហានទី៣៖ក្រោយពីលោកអ្នកធ្វើការជ្រើសរើសរួចមក ជាបន្តសូមចុចប៊ូតុង Open។
ជំហានទី៤៖ បន្ទាប់មកទៀតរាល់ files និងសារដែលលោកអ្នកបាន upload និងបញ្ជូនទៅកាន់ Servers។

III.បំបែកទំហំ file ធំៗទៅជាចំណែកតូចៗ
ជាការពិតណាស់សម្រាប់សេវាកម្មអ៊ីមែលក្នុងការផ្ញើ files ដែលមានទំហំលើសពី 25MB វាមិនអនុញ្ញាតឱ្យលោកអ្នកផ្ញើចេញបានឡើយ។ឧទាហរណ៍ថាលោកអ្នកមាន file 5MB ហើយដើម្បីឱ្យលោកអ្នកអាចផ្ញើ file នោះបានលោកអ្នកត្រូវបំបែកវាជាផ្នែកៗតាមដែលអាចធ្វើទៅបាន បន្ទាប់មកបំបែកវាដោយឡែកៗចូលទៅក្នុងសារ។ហើយដើម្បីធ្វើវាបាន លោកអ្នកត្រូវប្រើ Tool ជំនួយនោះគឺ Xtremsplit ។ វាគឺជាកម្មវិធីមិនគិតថ្លៃដែលមានជាភាសាបារាំង ដោយផ្ដល់ផលពិបាកដល់លោកអ្នកខ្លះដែរ សូមធ្វើតាមដូចខាងក្រោម៖
ជំហានទី១៖ ជាដំបូងទាញកម្មវិធី Xtremsplit យកមកដាក់លើកុំព្យូទ័ររបស់អ្នក។
ជំហានទី២៖ ក្រោយពីទាញយករួចវាមិនទាមទារឱ្យដំឡើងអ្វីឡើយសម្រាប់កម្មវិធី មានភាពសាមញ្ញក្នុងការដំណើរការដោយគ្រាន់តែចុចពីរដងទៅលើ download file បន្ទាប់មកចុចអក្សរ S។

ជំហានទី៣៖ ជ្រើសរើស file ដែលលោកអ្នកចង់បំបែងជាផ្នែកៗ ហើយចុច Open។
ជំហានទី៤៖ ចុចអក្សរ D ដើម្បីអាចផ្លាស់ប្ដូរទីតាំងដែលជាកន្លែងបន្ទាប់ពីលោកអ្នកបានធ្វើការបំបែកវា។

ជំហានទី៥៖ ប៊ូតុងដែលស្ថិតនៅខាងក្រោម windows ‘Taille des parties‘ ដោយបញ្ជាក់ប្រាប់ពីទំហំ file ដែលបានបំបែក ឧទាហរណ៍ 4MB។ជាបន្តសូមចុចប៊ូតុង COUPER។

ជំហានទី៦៖ ក្រោយមកទៀតនឹងមានសារមួយចេញមកនៅពេលវាធ្វើការចប់ សូមចុច OK។
ជំហានទី៧៖ ឥឡូវនេះបញ្ហាការ upload files ច្រើនក្នុងពេលតែមួយបានរួចរាល់អស់ហើយ ដូច្នេះលោកអ្នកអាចផ្ញើទៅកាន់មិត្តភ័ក្ដិនឹងមិត្តរួមការងារបាន យ៉ាងងាយស្រួល។
IV. រួមបញ្ចូលបំណែកនៃ file ឱ្យចូលគ្នាវិញ
ខណៈនេះនៅពេលលោកអ្នកបានផ្ញើ file ទៅកាន់មិត្តភ័ក្ដិនឹងមិត្តរួមការងាររបស់លោកអ្នក ពួកគាត់នឹងត្រូវបង្កើតឡើងវិញនូវ file ដើម ហើយម្យ៉ាងទៀតពួកគាត់នឹងត្រូវការប្រើនូវកម្មវិធី Xtremsplit ផងដែរ។
ជំហានទី១៖ ជាបឋមពូកគាត់នឹងត្រូវការរក្សាទុករាល់បំណែកនៃទីតាំង file នៅក្នុងអ៊ីមែលខុសៗគ្នាឱ្យស្ថិតក្នុង folder តែមួយនៅលើ hard drive របស់ពួកគាត់។
ជំហានទី២៖ ក្រោមមកពូកគាត់ត្រូវដំណើរការកម្មវិធី Xtremsplit ដោយជ្រើសរើសនូវ option Coller។

ជំហានទី៣៖ ចុចអក្សរ S ហើយជ្រើសរើស file ទីមួយ ពោលគឺ file ដែលបញ្ចប់ដោយឈ្មោះ 001.xtm បន្ទាប់មកចុច Open។

ជំហានទី៤៖ សូមចុចលើប៊ូតុង COLLER ។
ជំហានទី៥៖ ជាចុងក្រោយ ចុច OK រួចហើយពួកគាត់នឹងទទួលបាននូវ file ដើម ហើយត្រឡប់ទៅជាទំហំពិត៕

អាយធីខ្មែរស៊ែរ