របៀបបម្លែង FAT ឬ FAT32 ឱ្យទៅជាNTFS ក្នុង Windows 7
Thursday, December 27, 20120 comments
បម្រុងប្រយ័ត្ន៖ សម្រាប់ការបម្លែង Hard drive ពីប្រភេទមួយទៅប្រភេទមួយ ប្រឈមមុខនឹងការបាត់បង់ទិន្នន័យខ្ពស់ ដូច្នេះយើងសូមឱ្យលោកអ្នកធ្វើការ Backup ឬ ថតចម្លង នូវទិន្នន័យរបស់អ្នកទុកកន្លែងមានសុវត្ថិភាពជាមុនសិនជៀសវាងការ បាត់បង់ឯកសាររបស់អ្នក។
ក្នុងការប្រើប្រាស់ Hard drive ដែលមានប្រភេទជា FAT32 អ្នកមិនអាចធ្វើការកំណត់នូវ Hard drive មួយដែលមានទំហំធំជាង 32 GB (32728 MB) បាននោះទេ ហើយលោកអ្នកក៏មិនអាចផ្ទុកនូវឯកសារណាមួយដែលមានទំហំធំជាង 4 GB នៅលើ Hard drive ប្រភេទ FAT32 បានដែរ។ ដូច្នេះដំណោះស្រាយនោះគឺលោកអ្នកអាចធ្វើការបម្លែង Hard drive ពី FAT ឬ FAT32 ទៅជា NTFS ដោយការបម្លែងនេះត្រូវធ្វើតាមជំហានដូចខាងក្រោម៖
១. ប្រើ Elevated Command Prompt ក្នុង Windows៖ ដោយអ្នកអាចចូលទៅ Start → All Programs → Accessories អ្នកនឹងឃើញ Command Prompt នៅក្នុងនោះ។ អ្នកត្រូវចុច Mouse ស្ដាំលើ Command Prompt រួចជ្រើសរើសយក Run as administrator ដូចរូប៖
២. នៅក្នុង Command Prompt នោះវាយពាក្យ convert drive letter: /fs:ntfsដើម្បីធ្វើការបញ្ជាប្ដូរ Drive Hard disk ពី Fat32 ទៅជា ntfs រួចចុច Enter
ឧទាហរណ៍៖ អ្នកចង់បម្លែង Flash drive របស់អ្នកដែលមាន drive letter G: ដូច្នេះអ្នកអាចវាយពាក្យ convert g: /fs:ntfs ដូចរូប៖
៣. ប្រសិនបើក្នុងប្រតិបត្តិការនៃការបម្លែងនេះ ទាមទារឱ្យអ្នកវាយនូវឈ្មោះរបស់ Hard drive នោះសូមធ្វើការវាយឈ្មោះរបស់ drive ដែលអ្នកចង់បម្លែង។ ឧទាហរណ៍៖ drive របស់អ្នកមានឈ្មោះ NEW VOLUMN នោះសូមវាយឈ្មោះនេះចូល ដូចរូប៖
៤. នៅពេលការបម្លែងចប់វានឹងបង្ហាញពាក្យថា Conversion complete នោះអ្នកនឹងទទួលបាននូវ Hard drive មួយដែលមានប្រភេទជា NTFS។
ចំណាំ៖ ប្រសិនបើអ្នកចង់បម្លែងពី NTFS ទៅ FAT ឬFAT32 វិញនោះ វិធីតែម្យ៉ាងគត់គឺការ format Hard drive ។
Post a Comment