របៀប​បិទ​បើក Write-protect របស់ USB Flash

Wednesday, January 2, 20130 comments

បាទ! របៀបបិទបើក Write-protect របស់ USB Flash នេះគឺមានបំណងចង់មិនអោយមានការចរាចរណ៍ឯកសារចេញពីកុំព្យូទ័រតាម រយៈរន្ធ USB ឬ បើកដំណើរការវិញ នៅពេលមានមេរោគវាធ្វើអោយ USB លែងអាចចរាចរណ៍ឯកសារ ដោយនៅពេល Copy នោះ Windows ចេញសារមកថា មិនអាច Copy បានដោយសារកុំព្យូទ័របានជាប់ Write-protect ។ មានកម្មវិធីជាច្រើនដែលមានតួនាទីអាចបិទ Write-protect នេះបាន តែខ្ញុំសូមលើកយកការកំណត់ដោយដៃរបស់លោកអ្នកផ្ទាល់ ដើម្បីអោយបានដឹងថា ដំណើរការរបស់ Write-protect វាយ៉ាងម៉េច! សូមស្វែងយល់ដូចខាងក្រោម៖
- ចូលទៅបើក regedit តាម Run ដោយចុច Key Windows+R វាយពាក្យក្នុងប្រលោះ រួចចុច OK។

វាយពាក្យ regedit ឬ regedit.exe

- ចូលទៅតាមទីតាំង HKEY_LOCAL_MACHINE/SYSTEM/CurrentControlSet/Control
- បង្កើត Key ថ្មីមួយដោយដាក់ឈ្មោះថា StorageDevicePolicies ។ សូមមើលរូបខាងក្រោម

បង្កើត StorageDevicePolicies

- សូមឈរលើទីតាំង StorageDevicePolicies ហើយម៉ៅស្ដាំលើផ្ទៃទំនេរដើម្បីបង្កើតតម្លៃ DWORD ដោយដាក់ឈ្មោះថា writeprotect ។ សូមមើលរូបខាងក្រោម

បង្កើត writeprotect

- នៅកន្លែង Value data បើអ្នកដាក់លេខ 1 នោះមានន័យថា បិទមិនអោយមានចរាចរណ៍ឯកសារតាមរន្ធ USB តែបើអ្នកដាក់លេខ 0 (សូន្យ) មានន័យថា បើកអោយចរាចរណ៍ឯកសារតាមរន្ធ USB បាន។ សូមមើលរូបខាងក្រោម

តម្លៃ 1 គឺបិទ USB , តម្លៃ 0 គឺបើក

ចំណាំ៖ ដើម្បីដំណើរការបិទបើកម្ដងៗ អ្នកត្រូវតែ Logoff-in ឬ Restart ម៉ាស៊ីនទើប Windows ទទួលស្គាល់ការកំណត់របស់អ្នក។
សំនួរ៖ មូលហេតុអីបានជាខ្ញុំមិនអាច Copy, Cut, Paste នៅក្នុង Flash USB របស់ខ្ញុំបាន? សំនួរនេះឧស្សាហ៍ឮខ្លាំងណាស់ ហើយជាពិសេសអ្នកប្រើក៏មិនសូវដឹងប្រភពមូលហេតុដែរ?
ចម្លើយ៖ មានមូលហេតុដូចខាងក្រោមដែលទាក់ទង Write-protect ៖

មកពីមិត្តភ័ក្ដិចង់ធ្វើអោយលោកអ្នកបែកញើសដោយកំណត់បើក Write-protect ។
បណ្ដាលមកពីមេរោគដែលឆ្លងចូលក្នុងកុំព្យូទ័ររបស់អ្នកបើក Write-protect ។
ឬក៏ឧបករណ៍ USB របស់អ្នកមានមុខងារ Write-protect មកជាមួយ សូមពិនិត្យមើលប៊ូតុងបិទបើក Write-protect នៅលើឧបករណ៍ USB។ (ករណីនេះមិនសូវមានទេមកពីឧបករណ៍សម័យឥឡូវមិនសូវមានប៊ូតុង Write-protect ទៀតទេ។

ឧបករណ៍ដែលមានប៊ូតុង Write-protect

Share this article :

អាយធីខ្មែរស៊ែរ