ដំណើរការកម្មវិធី ដោយមិនចាំបាច់ដំឡើង

ជា​ធម្មតា​បងប្អូន​ទាំងអស់​គ្នា​ អាច​ប្រើ​ប្រាស់​កម្មវិធី​អ្វី មួយ​បាន​លុះ​ត្រា​តែ​យើង​តំឡើង​វា​ជា​មុន​សិន​ត្រូវ​អត់ ? ដូច​ជា​កម្មវិធី វាយ​អត្ថបទ Word , Excel, Powerpoint ជា​ដើម គឺ​ចាំ​បាច់​ត្រូវ​ដំឡើង​វា​ជា​មុន​​សិន​ទើប​យើង​អាច​ប្រើ​​វា​បាន ។ តើ​មាន​ដែល​គិត​ថា​ចង់​ធ្វើ​វា​អោយ​អាច​ប្រើ​បាន​ ដោយ​មិន​ចាំ បាច់​ដំឡើង​ដែរ​ឬ​ទេ​ ? ដើម្បី​ភាព​ងាយ​ស្រួល​ដាក់​ចូល​ក្នុង Flash, ដាក់​តាម​ខ្លួន​រួច​យកទៅ ប្រើ​លើ​​ម៉ាសីន​កុំព្យូទ័រ​ផ្សេងៗ ដូច​ជា​នៅកន្លែង​អិនធើ​ណិត ឬបន្ទប់ Lab ជា​ដើម ។

ការ​ធ្វើ​បែប​នេះ​គេ​ហៅ​ថា​ Portable Programs គឺ​មាន​ន័យ​ថា​​ ខ្ចប់​ឯកសារ​ផ្សេងៗដែល​ទាក់​ទង​នឹង​កម្មវិធីនោះ អោយ​ទៅជា File .exe តែ​មួយ បន្ទាប់​មក​យើង​អាច​យក File .exe នោះ​ទៅ​ប្រើ​លើ​ម៉ា​សីន​ផ្សេង​បាន​ដោយ​មិន​ចាំបាច់​ដំឡើង​ទៀត​ទេ​ ។ ​យើង​អាច​ធ្វើ​បាន​ លុះត្រា​តែ​មានកម្មវិធីមួយ​ចំនួន​ដូច​ជា ThinInstall Suite, Xenocode តែ​ខ្ញុំ​ធ្លាប់​សាក​ល្បង​ហើយ​ ហាក់​ដូច​ជា​មិន​មាន​លទ្ធផល​សោះ ។​ ប៉ុន្តែ​បន្ទាប់​ពី​ក្រុម​ហុន Vmware បាន​សហការហ៌ ជាមួយ​ ThinInstall ក៏​បាន​បង្កើត​និង​ដូរ​ឈ្មោះ​មក​ជា Vmware ThinApp វិញគឺធ្វើ​អោយវា​មាន​លក្ខណះ​ងាយ​ស្រួល​ក្នុង​ការ​បង្កើត​កម្មវិធី Portable មែន​ទែនបើ​ប្រៀប​ធៀប​នឹង​កម្មវិធីផ្សេងៗ ។

ដូច្នេះ​ខ្ញុំសូម​ណែ​នាំ​ពី រៀប​ធ្វើ​កម្មវិធី Portable តាម​រយះ​កម្មវិធី Vmware ThinApp 4:

ជំហានទី១: បន្ទាប់​ពីដំឡើង​កម្មវិធី​ Vmware ThinApp​ ហើយ យើង​នឹង​ឃើញផ្ទាំង​មួយ​ដូច​ខាង​ក្រោម

សូម​ចុច Button Next  Next សូម​រង​ចាំ​ប្រហែល​ជា ៥​នាទី ដើម្បីអោយ​វា​ថត​ទុក​នៅ​កម្មវិធី​ដែល​យើង​មាន​នៅ​លើវីនដូររបស់​យើង​ ។

បន្ទាប់​ពីវា​ថត​ទុក​ហើយ វា​នឹង​បង្ហាញ​ផ្ទាំង​ដូច​ខាង​ក្រោម

នៅពេល​ដល់​កន្លែង​នេះ សូម​កុំ​ចុច​ Next គឺ​ត្រូវ​ចុច Minimize វា​ទុក​សិន ព្រោះជា​ពេល​ដែល​យើង​ត្រូវ​យក​កម្មវិធីណា​ដែល​យើង​ចង់​ធ្វើ​អោយ​ក្លាយ​ជា Portable មក​ដំឡើង​ ដើម្បីអោយ​វា​ធ្វើ​ការ​វិច​ខ្ចប់​ File ទាំង​ឡាយ​អោយ​ចូល​ជា File .exe តែមួយ ។​​ ឧទាហរណ៌​ថា​ខ្ញុំ​ចង់​ធ្វើ​កម្មវិធី Google Talk អោយ​ក្លាយ​ជា Portable ដូច្នេះ​ខ្ញុំត្រូវ​យក​កម្មវិធីណ្នឹង​មក​ដំឡើង​

បន្ទាប់​មក​ចុច I Agree និងចុច Next ដើម្បីដំឡើង​កម្មវិធី ជា​ធម្មតា ។ បន្ទាប់់​ពីដំឡើង​ចប់​ និង​អាច​បើក​កម្មវិធី Google Talk រួច​ហើយ​ សូម​បិទ​វា​ចោល​ រួច​ងាក​មក​ចុច​លើ Vmware ThinApp ដែលយើង​ទើប​តែ​ Minimize អម្បាញ់​មិញ​វិញ  next  សូម​រង់​ចាំ បន្តិច  បន្ទាប់​មក​វា​នឹង​ចេញផ្ទាំង​ដូច​ខាង​ក្រោម

បន្ទាប់​មក​ចុច Next >Next > Next > បន្ទាប់​មក​ចុច Next > ពេល​នោះ​វា​នឹង​ចាប់​ផ្តើម​ចម្លង​ File របស់ Google Talk ទាំង​ឡាយ​ទៅ​ទុក​កន្លែង​មួយ > វា​នឹង​បង្ហាញ​ផ្ទាំង​ចុង​ក្រោយ ដើម្បី អោយ​យើង​ចុច Built Now :

>Click Finish. បន្ទាប់​មក​សូម​ចូល​ទៅ​កាន់ C:\Program Files\VMware\VMware ThinApp\Captures\Google Talk \bin យើង​នឹង​ឃើញ File Google Talk.exe តែ​មួយ

File នេះហើយ ដែល​គេ​ហៅ​ថា​ Portable Program ដែល​យើង​អាច​យក​វា​ទៅ​ប្រើ​លើ​ម៉ា​សីន​ផ្សេង​បាន​ដោយ​មិន​ចាំ​បាច់​ដំឡើង​ម្តងទៀត​ទេ ។