Wireless (Ad-Hoc) Network គឺជាប្រព័ន្ធ Network ដែលអាចភ្ជាប់ពីកុំព្យូទ័ររមួយទៅកុំព្យូទ័រមួយទៀតបានតាមរយៈ Wireless (Wifi) ដើម្បីចែករំលែកនូវអ៊ីនធឺណិត ឬឯកសារផ្សេងៗនៅលើប្រព័ន្ធ Network មួយនេះ។ អ្នកទាំងអស់គ្នាប្រហែលជាដឹងរួចមកហើយនូវ Ad-Hoc នៅក្នុង Windows ថ្ងៃនេះ IT Khmer Share នឹងនាំអ្នកទាំងអស់គ្នាទៅស្វែងយល់ពី Ad-Hoc នៅក្នុង Ubuntu វិញម្តង។
បង្កើត Wireless (Ad-Hoc) Network
មុនដំបូងយើងត្រូវចុចលើ Network menu រួច Disconnect Wireless Network ទាំងអស់។ បន្ទាប់មកចុចលើពាក្យថា Create New Wireless Network រួចវាយនូវឈ្មោះរបស់ Network របស់យើង យើងអាចជ្រើសរើស Wireless Security និងដាក់នូវ Password សម្រាប់ Network មួយនោះ
កែសម្រួល Setting របស់ Network
យើងត្រូវចូលទៅក្នុង Network menu ម្តងទៀត រួចចុចលើពាក្យ Edit Connection ដែលនៅខាងក្រោមគេ បន្ទាប់មកជ្រើសរើសយក Network ដែលទើបនឹងបង្កើតថ្មីអំបាញ់មិញ រួចយកពាក្យ Edit។ នៅត្រង់នេះយើងអាចប្តូរនូវឈ្មោះ Network, Security Setting និង Password។ ហើយយើងក៏អាច Modify Advance Setting លើសពីនេះទៀតដូចជាកែទៅលើ Band, Channel, MAC addresses, Basic SSID និង Setting ផ្សេងៗជាច្រើនទៀត។
លុប Network ចេញវិញ
ការលុបនេះគឺដូចទៅនឹងការ Edit ដែរ យើងត្រូវចូលទៅដល់ Edit Connections បន្ទាប់មកជ្រើសរើសយកឈ្មោះមួយណាដែលយើងចង់លុប រួចចុច Delete ជាការស្រេច
Post a Comment